ಶಾರ್ಜಾ: ಯುಎಇಯಲ್ಲಿ ವೇಗವಾಗಿ ಬೆಳೆಯುತ್ತಿರುವ ಪ್ರಾಥಮಿಕ ಆರೋಗ್ಯ ಸೇವಾ ಸಂಸ್ಥೆಗಳಲ್ಲೊಂದಾದ ಮ್ಯಾಕ್ಸ್ಕೇರ್ ಕ್ಲಿನಿಕ್ಸ್ನ ಹೊಸ ಶಾಖೆ ಶಾರ್ಜಾದ ರೊಲ್ಲಾದಲ್ಲಿ ರವಿವಾರ ಶುಭಾರಂಭಗೊಂಡಿದೆ.
ನಾಲ್ಕು ವರ್ಷಗಳ ಹಿಂದೆ ಸ್ಟಾರ್ಟ್ಅಪ್ ಆಗಿ ಆರಂಭವಾದ ಮ್ಯಾಕ್ಸ್ಕೇರ್, ಇಂದು ಯುಎಇಯಾದ್ಯಂತ ವಿವಿಧ ಸಮುದಾಯಗಳಿಗೆ ಪ್ರಾಥಮಿಕ ಆರೋಗ್ಯ ಸೇವೆ ನೀಡುತ್ತಿರುವ ಸಂಸ್ಥೆಯಾಗಿ ಬೆಳೆಯುತ್ತಿದೆ. ಕಡಿಮೆ ವೆಚ್ಚದ ಚಿಕಿತ್ಸಾ ಮಾದರಿಯಿಂದ “ಬಜೆಟ್ ಕ್ಲಿನಿಕ್” ಎಂಬ ಹೆಸರಿನಿಂದ ಜನಪ್ರಿಯವಾಗಿದೆ.
ಹೊಸ ಶಾಖೆಯಲ್ಲಿ ಜನರಲ್ ಮೆಡಿಸಿನ್, ಗೈನಕಾಲಜಿ, ದಂತ ಚಿಕಿತ್ಸಾ ಸೇವೆಗಳು ಹಾಗೂ ಲ್ಯಾಬೊರೇಟರಿ ಸೌಲಭ್ಯಗಳು ಲಭ್ಯವಿವೆ. ಜೊತೆಗೆ ‘ಮ್ಯಾಕ್ಸ್ಕೇರ್ ಪಾಯಿಂಟ್’ ಫಾರ್ಮಸಿಯನ್ನೂ ಆರಂಭಿಸಲಾಗಿದ್ದು, ರೋಗಿಗಳಿಗೆ ಔಷಧಿ ಮತ್ತು ಆರೋಗ್ಯ ಉತ್ಪನ್ನಗಳು ಒಂದೇ ಸ್ಥಳದಲ್ಲಿ ದೊರೆಯಲಿವೆ. ಅನುಭವ ಹೊಂದಿದ ವೈದ್ಯರು ಹಾಗೂ ಸಿಬ್ಬಂದಿ ಸೇವೆ ನೀಡಲಿದ್ದಾರೆ. ಎಲ್ಲ ವರ್ಗದ ಜನರಿಗೆ ಗುಣಮಟ್ಟದ ಹಾಗೂ ಕೈಗೆಟುಕುವ ಆರೋಗ್ಯ ಸೇವೆ ಒದಗಿಸುವುದು ಸಂಸ್ಥೆಯ ಧ್ಯೇಯವಾಗಿದೆ ಎಂದು ಸಂಸ್ಥೆ ತಿಳಿಸಿದೆ.
ಉದ್ಘಾಟನಾ ಸಮಾರಂಭದಲ್ಲಿ HE ಶೇಖ್ ಅಹ್ಮದ್ ಸಾಕರ್ ಅಲ್ ಕಾಸಿಮಿ, ಸಯ್ಯದ್ ನಿಸಾರ್ (ದುಬೈ ವಾರ್ತೆ), ಹಿದಾಯತ್ ಅಡ್ಡೂರು (ಅಧ್ಯಕ್ಷರು, BCCI-UAE), ಸಯ್ಯದ್ ಹೈದ್ರೋಸ್ ತಂಙಳ್ (ನಿರ್ದೇಶಕ,ನಿಶ್ಕಾ ಜ್ಯುವೆಲರಿ), ನಿಜಾರ್ ಹಮ್ಝಾ ( ವ್ಯವಸ್ಥಾಪಕ ನಿರ್ದೇಶಕ, ಯಾಸ್ಮೆಡ್), ಜಮಾಲ್ ಬೈತಾನ್ (MD,ಬೈತಾನ್ ಗ್ರೂಪ್), ಡಾ. ಹುಸೈನ್ (ವ್ಯವಸ್ಥಾಪಕ ನಿರ್ದೇಶಕ, ಇಲಾಜ್ ಮೆಡಿಕಲ್ ಸೆಂಟರ್), ಡಾ. ಸಲ್ಮಾನ್ (ವ್ಯವಸ್ಥಾಪಕ ನಿರ್ದೇಶಕ, ಬರಾಕಾ ಕ್ಲಿನಿಕ್), ಮೊಹಮ್ಮದ್ ಶಫೀಕ್ (MD, ಮಿರಾಕ್ಯೂರ್ ಕ್ಲಿನಿಕ್), ಬದ್ರುನಿಸಾ ಮೊಹಮ್ಮದ್ (ನಿರ್ದೇಶಕಿ, ಮ್ಯಾಕ್ಸ್ಕೇರ್), ಫಝಲ್ ವಿ.ಕೆ (ಮ್ಯಾನೇಜರ್, ಮ್ಯಾಕ್ಸ್ಕೇರ್) ಸೇರಿದಂತೆ ಇತರ ಆಹ್ವಾನಿತ ಅತಿಥಿಗಳು ಮತ್ತು ಸಮುದಾಯ ಪ್ರತಿನಿಧಿಗಳು ಉಪಸ್ಥಿತರಿದ್ದರು.
ಈ ಸಂದರ್ಭದಲ್ಲಿ ಮಾತನಾಡಿದ ವ್ಯವಸ್ಥಾಪಕ ನಿರ್ದೇಶಕ ಬಶೀರ್ ಕಿನ್ನಿಂಗರ್, ಶಾರ್ಜಾ ಶಾಖೆಯನ್ನು ಸ್ಥಳೀಯ ಸಮುದಾಯದ ಹೆಚ್ಚುತ್ತಿರುವ ಬೇಡಿಕೆಯ ಆಧಾರದ ಮೇಲೆ ಆರಂಭಿಸಲಾಗಿದೆ. ಸಾರ್ವಜನಿಕರ ಬಲವಾದ ಬೇಡಿಕೆಯಿಂದಲೇ ನಾವು ಶಾರ್ಜಾದಲ್ಲಿ ಈ ಕ್ಲಿನಿಕ್ ಆರಂಭಿಸಿದ್ದೇವೆ. ಎಲ್ಲಾ ವರ್ಗದ ಜನರಿಗೆ ವಿಶ್ವಾಸಾರ್ಹ ಮತ್ತು ಕೈಗೆಟುಕುವ ಆರೋಗ್ಯ ಸೇವೆ ನೀಡುವುದು ಮ್ಯಾಕ್ಸ್ಕೇರ್ನ ಬದ್ಧತೆ. ಇಲ್ಲಿ ವೈದ್ಯರ ಕನ್ಸಲ್ಟೇಶನ್ ಶುಲ್ಕ AED 25ರಿಂದ ಆರಂಭವಾಗುತ್ತದೆ.” ಎಂದರು.
ಉದ್ಘಾಟನೆಯ ಅಂಗವಾಗಿ, ವಿಸಿಟ್ ವೀಸಾದ ಮೇಲೆ ಯುಎಇಗೆ ಬರುವವರಿಗೆ ಯಾವುದೇ ವೈದ್ಯರನ್ನು AED 1ಕ್ಕೆ ಭೇಟಿ ಮಾಡುವ ವಿಶೇಷ ಯೋಜನೆಯನ್ನು ಘೋಷಿಸಲಾಗಿದೆ.
ಹೊಸ ಕ್ಲಿನಿಕ್ ಹಾಗೂ ಪರಿಚಯಾತ್ಮಕ ವಿಶೇಷ ಆಫರ್ಗಳ ಪ್ರಯೋಜನವನ್ನು ಪಡೆಯಲು ಸಾರ್ವಜನಿಕರನ್ನು ಮ್ಯಾಕ್ಸ್ಕೇರ್ ಕ್ಲಿನಿಕ್ಸ್ ಆಹ್ವಾನಿಸಿದೆ. ಕಡಿಮೆ ವೆಚ್ಚ, ಸುಲಭ ಪ್ರವೇಶ ಹಾಗೂ ಗುಣಮಟ್ಟದ ಚಿಕಿತ್ಸೆ ನೀಡುವುದು ಮ್ಯಾಕ್ಸ್ಕೇರ್ನ ಬದ್ಧತೆಯಾಗಿದೆ ಎಂದು ಸಂಸ್ಥೆ ತಿಳಿಸಿದೆ.
