ಆಲ್ಬನಿ, ನ್ಯೂಯಾರ್ಕ್: ಭಾರತದ ಹೋಟೆಲ್ ಅಥವಾ ಆಹಾರ ಮಳಿಗೆಯಲ್ಲಿ ಇಲಿ ಕಾಣಿಸಿಕೊಂಡರೆ, “ಇದೆಲ್ಲ ಭಾರತದಲ್ಲಿ ಮಾತ್ರ ಸಾಧ್ಯ!” ಎಂದು ಮೂಗು ಮುರಿಯುವವರು ಸಾಕಷ್ಟು ಜನ. ಸ್ವಚ್ಛತೆ ಮತ್ತು ಸಾರ್ವಜನಿಕ ಆರೋಗ್ಯದ ವಿಷಯ ಬಂದಾಗ ಅಮೇರಿಕದಂತಹ ಅಭಿವೃದ್ಧಿ ಹೊಂದಿದ ದೇಶಗಳನ್ನು ಉದಾಹರಣೆಯಾಗಿ ನೀಡುವುದೂ ಸಾಮಾನ್ಯ.
ಆದರೆ ಈಗ ಅಮೇರಿಕದ ನ್ಯೂಯಾರ್ಕ್ ರಾಜ್ಯದ ರಾಜಧಾನಿ ಆಲ್ಬನಿ ಸಮೀಪದ ಪ್ರಸಿದ್ಧ Crossgates Mallನಲ್ಲಿರುವ Sbarro Pizza ಮಳಿಗೆಯಲ್ಲಿ ಇಲಿ ಕಾಣಿಸಿಕೊಂಡಿರುವ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದ್ದು, ಸ್ಥಳೀಯವಾಗಿ ಸಾಕಷ್ಟು ಚರ್ಚೆಗೆ ಕಾರಣವಾಗಿದೆ.
ಅಂದಹಾಗೆ, ಗಣೇಶ ಹಬ್ಬ ಭಾರತ ಸೇರಿದಂತೆ ವಿಶ್ವದ ಹಲವಾರು ದೇಶಗಳಲ್ಲಿ ಸಂಭ್ರಮದಿಂದ ನಡೆಯುತ್ತಿದೆ. ಗಣೇಶನ ವಾಹನವಾದ ಇಲಿ, ಗಣೇಶ ಹಬ್ಬದ ಪ್ರಯುಕ್ತ ಅಮೇರಿಕದ ಪಿಜ್ಜಾ ಅಂಗಡಿಗೂ ಒಂದು ಸುತ್ತು ಹಾಕಲು ಬಂದಿರಬಹುದೇನೋ! 😄
ಅಮೇರಿಕದಲ್ಲಿ ಆಹಾರ ಸುರಕ್ಷತೆ ಮತ್ತು ಸಾರ್ವಜನಿಕ ಆರೋಗ್ಯಕ್ಕೆ ಕಟ್ಟುನಿಟ್ಟಿನ ನಿಯಮಗಳಿದ್ದರೂ ಇಂತಹ ಘಟನೆಗಳು ಅಲ್ಲಿಯೂ ಸಂಭವಿಸುತ್ತವೆ. ಒಂದು ಘಟನೆಯ ಆಧಾರದಲ್ಲಿ ಇಡೀ ದೇಶದ ಸ್ವಚ್ಛತೆಯನ್ನು ಅಳೆಯಲು ಸಾಧ್ಯವಿಲ್ಲ. ಅದು ಭಾರತವಾಗಲಿ, ಅಮೇರಿಕವಾಗಲಿ — ಸಮಸ್ಯೆಗಳು ಎಲ್ಲೆಡೆಯೂ ಇರಬಹುದು.
ಹೀಗಾಗಿ ಭಾರತದ ಯಾವುದಾದರೂ ಹೋಟೆಲ್‌ನಲ್ಲಿ ಇಲಿ ಕಂಡಾಗ, “ಇದು ಭಾರತದಲ್ಲಿ ಮಾತ್ರ!” ಎಂದು ಟೀಕಿಸುವ ಮುನ್ನ ಆಲ್ಬನಿಯ ಈ ಪಿಜ್ಜಾ ಅಂಗಡಿಯ ಇಲಿಯನ್ನೂ ಒಮ್ಮೆ ನೆನಪಿಸಿಕೊಳ್ಳಿ!
ಇಲಿಗೆ ಭಾರತವೂ ಒಂದೇ, ಅಮೇರಿಕವೂ ಒಂದೇ!
— ಬೆಂಕಿ ಬಸಣ್ಣ, ನ್ಯೂಯಾರ್ಕ್
