ದುಬೈ: ಯುನೈಟೆಡ್ ಅರಬ್ ಎಮಿರೇಟ್ಸ್ನ ರಾಷ್ಟ್ರೀಯ ರೈಲು ಜಾಲವಾದ ಇತ್ತಿಹಾದ್ ರೈಲು ಪ್ರಯಾಣಿಕರ ಸೇವೆಗೆ ಇಂದು ಅಧಿಕೃತ ಚಾಲನೆ ನೀಡಲಾಗಿದೆ.
ಮೊದಲ ಹಂತದಲ್ಲಿ ಅಬುಧಾಬಿ ಮತ್ತು ಫುಜೈರಃ ನಡುವಿನ ರೈಲು ಸಂಚಾರ ಆರಂಭಗೊಂಡಿದ್ದು, ಈ ಪ್ರಯಾಣವು ಅತ್ಯಂತ ಕಡಿಮೆ ಸಮಯದಲ್ಲಿ ತಲುಪಲಿದೆ.
ಮಂಗಳವಾರ ಬೆಳಗ್ಗೆ 5.34ಕ್ಕೆ ಫುಜೈರಃ ದಿಂದ ಸಂಚಾರ ಆರಂಭಿಸಿದ ಉದ್ಘಾಟನಾ ರೈಲು ನಿಗದಿಯುತ ಸಮಯಕ್ಕಿಂತ ಮೊದಲೇ ಅಬುಧಾಬಿಯ ಮೊಹಮ್ಮದ್ ಬಿನ್ ಝಾಯಿದ್ ಸಿಟಿ ನಿಲ್ದಾಣವನ್ನು ತಲುಪಿದೆ.
ಈ ಸೇವೆಗೆ ಸಾರ್ವಜನಿಕರಿಂದ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗಿದ್ದು, ಅಧಿಕೃತ ಚಾಲನೆಗೂ ಮುನ್ನವೇ 10,000ಕ್ಕೂ ಹೆಚ್ಚು ಟಿಕೆಟ್ಗಳು ಮಾರಾಟವಾಗಿವೆ ಎಂದು ವರದಿಯಾಗಿದೆ. ಆರಂಭಿಕ ಹಂತದಲ್ಲಿ ಅಬುಧಾಬಿ–ಫುಜೈರಃ ಮಾರ್ಗದಲ್ಲಿ ಸೇವೆ ಲಭ್ಯವಿದ್ದು, ಮುಂದಿನ ಹಂತಗಳಲ್ಲಿ ದುಬೈ ಸೇರಿದಂತೆ ಇತರ ಎಮಿರೇಟ್ಗಳಿಗೆ ವಿಸ್ತರಿಸುವ ಯೋಜನೆ ಇದೆ.
